Сцэна святочна ўпрыгожана.
Гучаць пазыўныя свята.
Выконваецца харэаграфічная кампазіцыя “Беларусь мая сінявокая”.
Пад фанаграму песні “Белавежская пушча” на сцэну выходзяць вядучыя.
Вяд: Покуль век нітку часу маўкліва прадзе,
Абрываць не збіраецца ў скрусе.
І смяецца,і плачацца,як нідзе,
У далонях маёй Беларусі.
Вяд: Хіба болей удзячны ёсць лёс,
Чым на гэтай зямлі нарадзіцца,
Што ўзышла з васількоў і бяроз,
Дзе твой молат,і серп,і крыніца.
Вяд: Ты араты,каваль і дазорца.
Ты бяссмертны і велічны ты.
Вяд: У гэтым краі,дзе вечнае сонца
І на ўсцяж – налітыя жыты.
Вяд: Вітаем Вас, шаноўнае спадарства!
Вяд: З Днём Незалежнасці і Днём вызвалення Беларусі ад нямецка – фашысцкіх захопнікаў.
У выкананні народнага ансамбля народнай песні “Спадчына” гучыць песня“РОДНЫ КРАЙ”.
На сцэну выходзіць дзяўчына ў вобразе “Беларусі”.
Беларусь: Я – Беларусь… Я – белая зямля…
Я - маці ўсіх дзяцей маіх.
І ўсіх гасцей , што прыдуць з добрым словам
На берагі маіх празрыстых рэк.
Нямнога ,пэўна , знойдзецца такіх ,
Што злом мяне ўспомняць.
У каралах арабін , ва ўборы ясным
З зялёнага атласу і ў сапфірах
Мае бязмежныя азёры і крыніцы.
Я – перад Вамі.Паглядзіце…Я….
Я – Беларусь !
У выкананні Веранікі Берднік гучыць песня “ВЕРУ І МАЛЮСЯ”. Адразу пасля гэтай кампазіцыі гучыць песня “ ГДЕ НАЙДУ Я СТРАНУ у выкананні М.Бондаравай і В.Зарамбоўскай. На сцэне дзяўчына ў вобразе “Беларусі”.
Беларусь : Краса маёй краіны роднай –
Свабодалюбны мой народ!
Супраць фашысцскай банды зборнай,
Ты мужна рушыў у паход.
І зазвинела грозна зброя
Па цёмных пушчах і лясах,
І сотні, тысячы герояў
Там нараджаліся ў баях
Героі мужнага народа,
Яны праслаўлены ў баях
І найвышэйшай нагародай
Цяпер увенчаны ў вяках
Слова - ветэранам . У выкананні хора ветэранаў гучыць песня “ СИДЯТ В ОБНИМКУ ВЕТЕРАНЫ”. На сцэну выходзіць хлопец з дзяўчынаю.
Хлопец: Суровы час.Мая Радзіма.
Гарыць у полымі вайны.
З паходнай кайстрай за плячыма
На зборны пункт ідуць сыны.
Дзяўчына : Яны надоўга пакідаюць
Свой родны дом , свой мілы кут ,
Усіх ,усіх ,каго кахаюць ,
Усё , усё , што люба тут.
Гучыць мелодыя песні “ Свяшчэнная вайна”. На яе фоне працягваецца дыялог. Хлопец надзявае пілотку.
Дзяўчына : Як цябе кахаць ,мой сокал ,
Як цябе кахаць?
Як праводзіць у шлях далёкі ,
І як сустракаць !
Хлопец : Пакахай , як цвет чарэшні ,
Сэрцам пакахай
Правядзі мяне ты з песняй ,
З песняй сустракай.
А калі мо ў ясны поўдзень
Не вярнуся зноў ,
З поля бітвы сцежку знойдзе
Вараны дамоў.
Хлопец сыходзіць ,махае рукой ,развітваючыся .Дзяўчына яму ў адказ махае касынкай.
Пад лірычную мелодыю на сцэну выходзіць жанчына у вобразе Маці.
Маці : Ой, на што ты сонца яснае ,
Усё сыходзіш , -
Не вітаешся !
Ой ,на што з вайны бязрадаснай ,
Мой сыночак не вяртаешся!
З злой бяды цябе я выручу
Прылячу арліцай быстраю ,
Адгукніся , мой ты сыначка ,
Мой , адзіны , мой маленячкі.
Белы свет нямілы ,
Знемаглася я,
Вяртайся ,надзея мая!
Зернейка маё ,
Зоранька мая ,
Горачка маё ,-
Дзе ж ты?..
У выкананні Т.Ермаловіч гучыць песня “БАЛАДА ПРА МАЦІ”.
На сцэне гучаць аўтаматныя і куляметныя стрэлы,кананада,выбухі… Пасля пад бадзерую мелодыю выходзіць той хлопец, якога праводзіла дзяўчына, толькі ўжо ў вайсковай форме.
Хлопец : Многа быў я ў баях ,
Як узяўся за зброю
Так здаралася мне –
Думаў болей не жыць…
Восем ран зажыло ,
Я вярнуўся да строю.
Я вярнуўся дамоў ,
Каб кахаць і любіць.
На сцэне з’яўляецца дзяўчына з маці. У выкананні народнага жаночага ансамбля гучыць “ПАПУРЫ” на тэму песен ваенных гадоў. Адразу пасля гэтага нумара на сцэну выходзіць народны ансамбль народнай песні “Спадчына” і выконваюць музычную кампазіцыю “СОЛДАТУШКИ – БРАВЫ РЕБЯТУШКИ”.
На сцэне вядучыя.
Вяд: Шчасце ёсць!
Паглядзіце на нашы сады –
Наліўныя плады сабіраюць садоўніка рукі ,
Так і Маці - Радзіма збірае свае гарады
Пасля бітваў цяжкіх
Пасля доўгай і горкай разлукі .
Вяд: Шчасце ёсць!
Паглядзіце на плошчы свае –
Залатыя сузор’і і пераможныя маршы :
Гэта - пот наш і кроў ,
Гэта наш ураджай баявы ,
Гэта – слава народа ,
Гэта – свята на вуліцы нашай !
Музыка і словы К.Слукі “БЕЛАРУСІЯ”, выконвае Сяргей Ермаловіч.
У выкананні гурта “Замкавая гара “ гучыць песня “БЕЛОРУССИЯ”.На апошні прыпеў на сцэну выходзяць усе ўдзельнікі.